Es isch mal gsi
D’Fasnacht im jahr 2020
En 22 jöhrigi Ilayda isch gloffe
Dürd Masse vode Bsoffne
Isches ihre doch chil onagnähm gsi
A dem düstere Februar, i dere Mängi
Heds doch da das neue Virus gäh
Mer hend ned gnau chönne säge
Isches nor en Grepp oder doch öppis Schlemms?
Velles isch sithär passiert
D’fasnacht 20 öppe s’letschte grosse Ding
Weil 21 - ja da hedmer müesse säge: nä-äh
Das isch eus en z’Heisse
Ja, i dere Lüchtstadt am Vierwaltstättersee
Freued sich d’Mönsche sehr
Weil
D’Fasnacht 22 staht nömm ide Schwebi
Mer müend ned nome bide chline Partys verblibe
Mer chönd eus am Güdismändig inenand verliebe
Nimm mich ade Hand und zeig mer de Wäg
Zum Monsterkonzärt
Nimm mich ade Hand und gömmer entgäge
Em Verstand
Küsst mich underem Fözeliräge
Nimm füre dis beste pinke Bär Kostüm
Oder machs wie d'Andrea Gmür
Gang als Chines, oder als sexy Krankeschwöschter
Weil ade Fasnacht wömmer euse Spass
Ade Fasnacht simmer alles nome Mönsche
Ade Fasi22 chömmer ändlich weder säge was mer wönd
Kei Berset und kei Guido wo eus seit wiemer mönd
Die einzig Maske wo ich das Jahr a han
Isch die vomne Orang-Utan
Nimm mich ade Hand und gömmer entgäge
Em Verstand
Küsst mich underem Fözeliräge
Ad Fasnacht chömmer alli häre